बाँके : डिभिजन वन कार्यालय बाँके परिसरमा वर्षौंदेखि थन्किएका बेवारिसे काठ र साईकलहरूको व्यवस्थापन सुरु गरिएको छ। लामो समयदेखि उपयोगविहीन अवस्थामा रहेका ती सामग्री हटाउँदै व्यवस्थित ढंगले व्यवस्थापन गर्दा उल्लेखनीय राजस्व संकलन भएको छ।

Advertisement 1

कार्यालयका अनुसार पुराना काठ तथा साईकलहरूलाई उचित प्रक्रिया अपनाएर बिक्री तथा व्यवस्थापन गर्दा मात्रै रु. ४० लाखभन्दा बढी राजस्व सरकारलाई प्राप्त भएको हो। यसले एकातिर कार्यालय परिसरलाई सफा र व्यवस्थित बनाएको छ भने अर्कोतर्फ राज्यको आम्दानीसमेत बढाएको छ।

Advertisement 2

डिभिजन वन कार्यालयले यस्ता बेवारिसे तथा थन्किएका सामग्रीलाई समयमै व्यवस्थापन गर्ने योजना अघि बढाएको जनाएको छ। आगामी दिनमा पनि यस्तै कार्यलाई निरन्तरता दिँदै राजस्व वृद्धि र सरसफाइमा ध्यान दिइने कार्यालयले स्पष्ट पारेको छ।

Advertisement 3

स्थानीय स्तरमा वर्षौंदेखि थुप्रिएका सामग्री व्यवस्थापन गर्ने यो कदमलाई सकारात्मक रूपमा हेरिएको छ।