नेपालगञ्ज पोष्ट : नेपालगञ्जस्थित सिनेमा हल सिनेरोयल ले भदौ २३ गते (सेप्टेम्बर ८) को दुखद घटनाप्रति गहिरो शोक व्यक्त गर्दै भदौ २४ गते (सेप्टेम्बर ९) एक दिनका लागि हल बन्द गर्ने घोषणा गरेको छ।
सिनेरोयलले सार्वजनिक गरेको विज्ञप्तिमा घटनामा ज्यान गुमाएका प्रति श्रद्धाञ्जली अर्पण गर्दै पीडित परिवारप्रति समवेदना व्यक्त गरिएको छ। साथै घाइतेहरूको शीघ्र स्वास्थ्यलाभको कामना गर्दै समाजलाई एकताबद्ध भई दया र सहानुभूति प्रकट गर्न आग्रह गरिएको छ।
“ज्यान गुमाउनेहरूको सम्झनामा, हामी भदौ २४ गते हल बन्द गर्ने निर्णय गरेका छौँ। पीडामा रहेका परिवारसँग हामी पनि दुखी छौँ,” सिनेरोयलको विज्ञप्तिमा उल्लेख छ।
