नेपालगञ्ज: नेपालमा हाल पश्चिमी न्यून चापीय प्रणालीको आंशिक प्रभाव परेको छ। यस प्रणालीको प्रभावका कारण आज पश्चिम नेपालमा आंशिकदेखि सामान्य बदली भएको मौसम पूर्वानुमान महाशाखाले जनाएको छ।
विशेषगरी कर्णाली, सुदूरपश्चिम र लुम्बिनी प्रदेशमा आंशिक बदली देखिएको छ भने अन्य भू-भागमा मौसम मुख्यतः सफा रहेको छ। सुदूरपश्चिम प्रदेशका एक-दुई स्थानमा हल्का वर्षा भइरहेको छ।
त्यस्तै, उच्च पहाडी तथा हिमाली क्षेत्रका केही स्थानमा हिमपातको सम्भावना रहेको महाशाखाले जनाएको छ। मौसम परिवर्तनका कारण चिसो बढ्न सक्ने भएकाले आवश्यक सतर्कता अपनाउन महाशाखाले आग्रह गरेको छ।
