नेपालगञ्ज, पुस १५ – अंग्रेजी नयाँ वर्ष २०२५ को स्वागतका लागि नेपालगञ्जका होटल व्यवसायीले आन्तरिक तथा बाह्य पर्यटकलाई आकर्षित गर्न विभिन्न कार्यक्रमको तयारी गरेका छन्। यसै क्रममा, होटल स्नेहले विशेष सांगीतिक कार्यक्रमसहित खानाका आकर्षक प्याकेजहरू प्रस्तुत गर्दै नयाँ वर्ष मनाउन विशेष योजना बनाएको छ।

Advertisement 1

कार्यक्रममा सहभागी हुन टिकट बुकिङ गर्न

कोरोना महामारी र आर्थिक संकटले थला परेको पर्यटन तथा होटल व्यवसायलाई पुनः चलायमान बनाउन यो कार्यक्रमले महत्वपूर्ण भूमिका खेल्ने अपेक्षा गरिएको छ। होटल स्नेहले ३१ डिसेम्बर साँझ ८ बजेदेखि मध्यरातसम्म सांगीतिक र सांस्कृतिक कार्यक्रम आयोजना गर्ने जनाएको छ।

Advertisement 2

कार्यक्रममा चर्चित मोडल तथा डान्सर आरुसी मगरको नृत्य प्रस्तुति, डिजे माल्टाको लाइभ डिजे शो, आर डान्स ग्रुपको विशेष प्रस्तुति, साथै स्थानीय कलाकारहरूको मनोरञ्जनात्मक प्रस्तुति रहनेछ।

Advertisement 3

पाहुनालाई विशेष अनुभव प्रदान गर्न कार्यक्रमको लागि विभिन्न प्याकेज उपलब्ध गराइनेछ। एकल प्रवेशको लागि टिकट दर रु १००० तोकिएको छ, जसमा एउटा क्यान बियर र स्नेक्स समावेश छ। त्यस्तै, जोडी प्रवेशको लागि रु १५०० टिकट दर तोकिएको छ, जसमा दुईवटा क्यान बियर र स्नेक्स उपलब्ध हुनेछ।

होटल स्नेहले नयाँ वर्षको यस विशेष कार्यक्रममा ५०० भन्दा बढी सहभागीको उपस्थिति रहने अपेक्षा गरेको छ। यस प्रकारका कार्यक्रमले नेपालगञ्जलाई सांस्कृतिक तथा पर्यटकीय गन्तव्यका रूपमा प्रवर्द्धन गर्न मद्दत पुग्ने विश्वास होटलका संचालकले गरेका छन्।

होटल स्नेहले नयाँ वर्षको पूर्वसन्ध्यामा आयोजना गर्ने यस कार्यक्रमले आन्तरिक र बाह्य पर्यटकलाई आकर्षित गर्न, पर्यटन व्यवसायलाई बलियो बनाउन, र नेपालगञ्जको सांस्कृतिक पहिचानलाई उजागर गर्न सहयोग गर्ने अपेक्षा गरिएको छ।