नेपालगञ्ज : तिहारको आज औँसीको दिन भए पनि कुनै पर्व नपरेको नेपाल पञ्चाङ्ग निर्णायक विकास समितिले जनाएको छ । समितिका अनुसार यो वर्ष तिथिको घटबढका कारण औँसीका दिन बेलुकी गरिने लक्ष्मीपूजा हिजो नै गरिएको हो। समितिका कार्यकारी निर्देशक सूर्यप्रसाद ढुंगेलका अनुसार गाई पूजा भोलि परेको छ।

Advertisement 1

तिथिका घटबढका कारण पाँच दिनमा सकिने दोस्रो चाड तिहार यस वर्ष छ दिनसम्म लम्बिएको छ । कार्तिक कृष्ण त्रयोदशीका दिन सुरु हुने तिहार यस वर्ष कात्तिक १३ गते सुरु भएको थियो ।

Advertisement 2

शनिबार एकैदिन गाईगोरु पूजा, गोवर्द्धन पूजा, बलिपूजा, हलितिहार, म्ह (आत्म) पूजा र नेपाल संवत् ११४५ प्रारम्भ पनि गरी छवटा पर्व एकै दिन परेको समितिका कार्यकारी निर्देशक ढुंगेलले जनाए। आइतबार बिहान ११:३७ बजे भने भाइटीकाको साइत रहेको छ।