नेपालगन्ज, २५ असोज – नेपालगन्जको सांस्कृतिक विविधता र धार्मिक सहिष्णुताको प्रतिविम्ब झल्काउने एक विशेष चित्रकला जो बिमल प्रधान ले बनाएका छन । यो चित्रले शहरको धार्मिक, सांस्कृतिक, र आर्थिक पक्षलाई एउटै फ्रेममा समेटेर प्रस्तुत गरेकाछन, जसले नेपालगन्जको सांस्कृतिक महत्वलाई उजागर गरेको छ।

Advertisement 1

चित्रमा मुस्लिम समुदायको इद पर्वदेखि थारु समुदायको माघी, हिन्दू धर्मावलम्बीहरूको होली र रामलीलाजस्ता प्रमुख पर्वहरूको दृश्यावलोकन गर्न सकिन्छ। यसले नेपालगन्जको विविध धार्मिक समुदायको सद्भाव र एकतामा आधारित सहअस्तित्वलाई प्रस्ट्याउँछ। मस्जिदमा इदको नमाज अदा गरिरहेका मानिसहरूले शहरको मुस्लिम धर्मावलम्बीहरूको बलियो उपस्थिति र उनीहरूको परम्परागत पर्वहरूको महत्त्वलाई देखाउँछन्।

Advertisement 2

साथै, शिवको विशाल मूर्ति र रामलीलाको चित्रणले हिन्दू परम्परा र धार्मिक कार्यहरूलाई पनि समेटेको छ। यस्तै, चित्रमा होली पर्वको रंगीचंगी दृश्यले हिन्दू धर्मको उल्लासमय चाडलाई प्रस्तुत गरेको छ। थारु समुदायको माघी पर्वको झलकले यहाँको आदिवासी समुदायको संस्कृति र परम्परालाई सम्मान गरिएको छ।

Advertisement 3

चित्रको अर्को महत्वपूर्ण पक्ष भनेको नेपालगन्जको व्यापारिक जीवनशैली हो। चित्रमा चटपटे बेच्ने स्थानीय व्यापारीहरूदेखि घोडागाडीको दृश्यले यहाँको जनजीवन र व्यापारिक गतिविधिलाई जीवित राखेको छ। भारतसँगको खुला सीमाले गर्दा यहाँका बासिन्दाहरूको जीवनशैली र व्यवसायमा परेका प्रभावहरू पनि यसमा स्पष्ट देख्न सकिन्छ।

यो चित्रले नेपालगन्जलाई एक धार्मिक र सांस्कृतिक संगमको रूपमा प्रस्तुत गरेको छ। जहाँ सबै समुदायका मानिसहरूले आ-आफ्ना पर्व र परम्पराहरू एकसाथ मनाउँदै आएका छन्। प्रधानले यस चित्रकलामार्फत नेपालगन्जको बहुसांस्कृतिक सौन्दर्यलाई एउटा जीवन्त दस्तावेजका रूपमा प्रस्तुत गर्न सफल भएका छन्।