नेपालगञ्ज पोष्ट : डिजिटल सिर्जनाको क्षेत्रमा सक्रिय कन्टेन्ट क्रिएटर्सलाई एउटै प्लेटफर्ममा जोड्ने उद्देश्यले नेपालगञ्जमा आयोजना गरिएको Creators Connect Program भव्य र सफल रूपमा सम्पन्न भएको छ।

Advertisement 1

नेपालगञ्जस्थित आहार रेस्टुरेन्टमा आयोजित कार्यक्रममा १५ वर्षदेखि ५७ वर्ष उमेर समूहका २२ जना कन्टेन्ट क्रिएटर्सको उत्साहजनक सहभागिता रहेको थियो। कार्यक्रममा एडिटर, भ्लगर, फोटोग्राफर, युट्युबर तथा टिकटक क्रिएटर्सको उल्लेखनीय उपस्थिति देखिएको थियो, जसले डिजिटल सिर्जनाको विविधतालाई स्पष्ट रूपमा प्रस्तुत गर्‍यो।

Advertisement 2

कार्यक्रमको मुख्य उद्देश्य क्रिएटर्सबीच एकता, सहकार्य र पहिचान स्थापित गर्नु रहेको थियो। सोही उद्देश्यअनुसार सहभागी सबैले #connectnepalgunj ह्यासट्याग प्रयोग गरी सामूहिक भिडियो निर्माण गरेका थिए। यस पहललाई नेपालगञ्जका कन्टेन्ट क्रिएटर्सलाई एउटै समुदायका रूपमा चिनाउने महत्वपूर्ण प्रयासका रूपमा लिइएको छ।

Advertisement 3

बिहानको समयमा कुहिरो लागेको मौसम रहे पनि कार्यक्रम उत्साहपूर्ण वातावरणमा सफलतापूर्वक सम्पन्न भयो। छोटो सूचनामै समय निकालेर उपस्थित भई कार्यक्रमलाई सफल बनाएकोमा आयोजकले सहभागी सबैप्रति आभार व्यक्त गरेका छन्।

कार्यक्रम Meet & Greet Events अन्तर्गतका सदस्य RGB Nihal द्वारा आयोजना गरिएको हो। आयोजकले नयाँ तथा उदाउँदै गरेका क्रिएटर्सलाई धैर्य, सहयोग र निरन्तर समर्थन आवश्यक रहेको उल्लेख गर्दै, आगामी दिनमा अझ बृहत् र प्रभावकारी क्रिएटर्स मिटअप आयोजना गर्ने योजना रहेको जानकारी दिएका छन्।

यस किसिमका कार्यक्रमहरूले नेपालगञ्जमा डिजिटल कन्टेन्ट सिर्जनाको सम्भावनालाई थप मजबुत बनाउँदै स्थानीय क्रिएटर्सलाई राष्ट्रिय स्तरसम्म पुर्‍याउन सहयोग पुग्ने अपेक्षा गरिएको छ।