नेपालगन्ज। राष्ट्रिय मानव अधिकार आयोग, लुम्बिनी प्रदेश कार्यालय नेपालगन्जको आयोजनामा ७७औं अन्तर्राष्ट्रिय मानव अधिकार दिवसको अवसरमा एक शुभकामना आदानप्रदान कार्यक्रम सम्पन्न भएको छ।
Advertisement 1
मानव अधिकार आयोग लुम्बिनी प्रदेश कार्यालय नेपालगन्जकी प्रमुख द्वारिका कुमारी अधिकारीको अध्यक्षतामा आज नेपालगन्जमा सम्पन्न कार्यक्रममा मानव अधिकारको सम्मान, संरक्षण र प्रवर्द्धनको अपरिहार्य आवश्यकतामा जोड दिइएको छ।
Advertisement 2
कार्यक्रममा बोल्ने वक्ताहरूले मानव अधिकारको प्रत्याभूति नभएसम्म मर्यादित र सम्मानित जीवन जिउन नसकिनेमा जोड दिए। साथै, मानव अधिकार उल्लंघनका घटनामा दण्डहीनताले कुनै हालतमा पनि प्रश्रय पाउन नहुनेमा चासो व्यक्त गरिएको छ।
वक्ताहरूले नेपालमा कानून कमजोर नभई कार्यान्वयनको पाटो कमजोर रहेको औंल्याउँदै मानव अधिकार संरक्षणका लागि राज्य जवाफदेही, गम्भीर र पारदर्शी बन्नुपर्ने आवश्यकता रहेको बताए। अधिकारको खोजी गर्दागर्दै आफ्नो कर्तव्य पालनामा पनि गम्भीर बन्नुपर्नेमा समेत जोड दिइएको थियो
Advertisement 3
कार्यक्रममा जिल्ला समन्वय समिति बाँकेका प्रमुख ज्ञानेन्द्र कुमार चौधरी, उच्च अदालत तुलसीपुर नेपालगन्ज इजलाशका वरिष्ठतम् न्यायाधीश बामदेव ज्ञवाली, जिल्ला प्रशासन कार्यालय बाँकेका निमित्त प्रमुख जिल्ला अधिकारी महेशकुमार गुरुङ, जिल्ला सरकारी वकिल कार्यालयका उपन्यायाधिबक्ता कर्ण बहादुर बुढा क्षेत्री, जिल्ला प्रहरी कार्यालय बाँकेका प्रमुख एसपी अंगुर जिसी लगायतको उपस्थिति रहेको थियो।
शुभकामना मन्तव्य व्यक्त गर्नेहरूमा नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, इन्सेक लुम्बिनी प्रदेश संयोजक भोला महत, मानव अधिकार एलाइन्सका केन्द्रीय सदस्य प्रभात कुमार ठकुरी, कानुन व्यवसायी बसन्त गौतम, द्वन्दपीडित महिला चन्द्रकला उप्रेती, यौनिक तथा लैंगिक अल्पसंख्यक परिना चौधरी, अपांगता भएका व्यक्ति भावुकजंग थापा, र महिला अधिकारकर्मी निर्मला सुनार लगायत थिए।
कार्यक्रमको स्वागत मन्तव्य राष्ट्रिय मानव आयोग लुम्बिनी प्रदेश कार्यालय नेपालगन्जका अधिकृत धनराज शाहीले व्यक्त गरेका थिए भने कार्यक्रमको सञ्चालन अर्का अधिकृत दयाराम पाठकले गरेका थिए। यस कार्यक्रमको समन्वय र सहकार्य मानव अधिकार सञ्जालले गरेको थियो।
यो खबर पढेर तपाईलाई कस्तो महसुस भयो ?
like
love
haha
wow
sad
angry
सम्वन्धित
छुटाउनुभयो कि ?
हाम्रो बारेमा
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । नेपालगन्ज पोस्ट ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
प्रतिक्रिया