भारत ( बलरामपुर) : भारतको बलरामपुर–गोंडा मार्गस्थित फुलवरिया बाइपास चौराहामा सोमबार राति एक यात्रुबस र ऊनी कपडा बोकेको कन्टेनर ठोक्किँदा ठूलो दुर्घटना भएको छ। ठोक्किनासाथ दुवै सवारीमा आगलागी भई तीन जनाको घटनास्थलमै मृत्यु भएको छ भने २४ जना घाइते भएका छन्। मृत्यु हुनेमध्ये दुई जनाको पहिचान अहिलेसम्म खुल्न सकेको छैन।
Advertisement 1
पहिचान भएकी मृतक नेपालका गुल्मी निवासी ६० वर्षीया राधा (पति लालबहादुर) रहेको प्रहरीले जनाएको छ। अन्य दुई शव अत्यधिक जलेका कारण पहिचान कठिन बनेको छ। एक शव किशोरको र अर्को कन्टेनर ट्रकका क्लीनरको हुनसक्ने अनुमान गरिएको छ। प्रहरीले नेपाली यात्रु लगायत अन्य स्रोतमार्फत पहिचान गर्ने प्रयास जारी राखेको छ।
Advertisement 2
घाइते २४ मध्ये पाँच जनालाई मेडिकल कलेज बहराइच र एक जनालाई लखनऊ रेफर गरिएको छ। बाँकीको अवस्था सामान्य रहेको बताइएको छ। बुटवलकी ऋचा योगीलाई प्राथमिक उपचारपछि डिस्चार्ज गरिएको छ।
Advertisement 3
दुर्घटनापछि बस र कन्टेनरका चालक, सहचालक र क्लीनर फरार छन्। कन्टेनर चालकविरुद्ध कुल्लू, हिमाचल प्रदेश निवासी लोवसङको उजुरीमा मुद्दा दर्ता गरिएको प्रहरीको भनाइ छ। प्रभारी निरीक्षक गिरजेश तिवारीका अनुसार पहिचान नभएका दुई शवबारे थप अनुसन्धान गरिरहेको छ।
यो खबर पढेर तपाईलाई कस्तो महसुस भयो ?
like
love
haha
wow
sad
angry
प्रतिक्रिया
सम्वन्धित
छुटाउनुभयो कि ?
हाम्रो बारेमा
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । नेपालगन्ज पोस्ट ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।