सिरहा – सिरहाको लहानका एउटै डिलरमा ६० प्रतिशतभन्दा बढी म्याद गुज्रिएका पेयपदार्थ भेटिएका छन्। त्यो पेयपदार्थ अनुगमन टोलीले डिलरमै नष्ट गराएका छन्।
जिल्ला उद्योग वाणिज्य संघ सिरहा लहानका पूर्व अध्यक्ष निरस चौधरीले आफ्नो पत्नी मन्जु साहको नामले सञ्चालन गरेका कृष्णा सप्लार्यस लहान-३ मा ६३ लाख ७३ हजार ६०० मूल्य बराबरको कोकोकोला, स्प्राइट र वियर नष्ट गरिएको छ।
बाणिज्य आपूर्ति तथा उपभोक्ता संरक्षण कार्यालय विरगन्जका प्रमुख सुनिल चौरसियाको नेतृत्वमा लहान नगरपालिका, इलाका प्रशासन कार्यालय, इलाका प्रहरी, खाद्य, प्रविधि तथा गुण नियन्त्रण डिभिजन राजविराजका प्रतिनिधि अनुगमन गरिएको हो।
