सन्देश भुसाल : बैजनाथ गाउँपालिका–५ स्थित रंगिलाचोक अब रातको समयमा पनि उज्यालो बन्नेछ। लुम्बिनी प्रदेशसभा सदस्य तथा पूर्व सामाजिक विकास मन्त्री रत्न खत्रीको पहलमा त्यहाँ हाईमास्क लाइट जडान गरिएको हो।

Advertisement 1

लुम्बिनी प्रदेश सरकारको आर्थिक वर्ष २०८१/८२ को बजेट अन्तर्गत सार्वजनिक स्थलमा उज्यालो विस्तार गर्ने योजनाअनुसार उक्त कार्य सम्पन्न गरिएको जनाइएको छ। रातको समयमा स्थानीय बासिन्दाको सुरक्षित आवत–जावत सुनिश्चित गर्न यो लाइट जडान गरिएको हो।

Advertisement 2

स्थानीय बासिन्दाले प्रदेश सांसद खत्रीप्रति आभार व्यक्त गर्दै जनताका आवश्यकता पहिचान गरी विकासको नेतृत्व गर्ने नेताको रुपमा उनको प्रशंसा गरेका छन्। “हामीजस्ता जनताको कुरा बुझ्ने र काम गर्ने नेताको खाँचो थियो, खत्रीजीले त्यो देखाइदिनुभयो,” एक स्थानीयले भने।

Advertisement 3

सांसद खत्री यसअघि पनि बैजनाथ क्षेत्रमा सडक, खानेपानी, स्वास्थ्य र शिक्षाजस्ता जनसरोकारका क्षेत्रमा उल्लेखनीय काम गर्दै आएका छन्। उनको लोकप्रियता स्थानीयस्तरमा बढ्दै गएको छ भने निरन्तर विकासका गतिविधिमा उनी अग्रसर देखिन्छन्।

स्थानीय विकासमा सक्रियता र जनताको विश्वास जित्दै अघि बढिरहेका रत्न खत्रीले आगामी दिनमा पनि यस्तै परिणाममुखी कार्य गर्दै जाने स्थानीयवासीको अपेक्षा छ।