चितवन : नारायणगढ–मुग्लिन सडकखण्डअन्तर्गत चितवनको इच्छाकामना–५ स्थित ३ नम्बर पुलबाट त्रिशूली नदीमा खसेका युवकको शव नौ दिनपछि फेला परेको छ।
Advertisement 1
लमजुङको साविक चन्द्रेश्वर गाविस–३ घर भई हाल चितवनको भरतपुर महानगरपालिका–१ रामनगरमा बस्दै आएका २७ वर्षीय रोहित राना यही फागुन २ गते मोटरसाइकल दुर्घटनामा परेर बेपत्ता भएका थिए।
Advertisement 2
इलाका प्रहरी कार्यालय मुग्लिनका प्रमुख प्रहरी निरीक्षक निरला भण्डारीका अनुसार, दुर्घटनास्थलबाट करिब एक सय मिटर तल नदीमा तैरिरहेको अवस्थामा रानाको शव फेला परेको हो। सशस्त्र प्रहरी बल र नेपाल प्रहरीको संयुक्त टोलीले शव उद्धार गरी परीक्षणका लागि भरतपुर अस्पताल पठाइएको छ।
Advertisement 3
प्रहरीका अनुसार, रोहित भारतीय सेनामा कार्यरत थिए। दुर्घटनाका क्रममा नारायणगढबाट काठमाडौंतर्फ जाँदै गर्दा बा ०६–०२ प ९२०४ नम्बरको मोटरसाइकल अनियन्त्रित भई सडकमा अडिएको थियो भने राना भने पुलबाट तल त्रिशूली नदीमा खसेका थिए।
शवको सनाखत परिवारका सदस्यहरूले गरिसकेको छन्। प्रहरीले दुर्घटनाको कारणबारे थप अनुसन्धान गरिरहेको नेपालगञ्ज पोष्ट लाई जनाएको छ।
यो खबर पढेर तपाईलाई कस्तो महसुस भयो ?
like
love
haha
wow
sad
angry
सम्वन्धित
छुटाउनुभयो कि ?
हाम्रो बारेमा
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । नेपालगन्ज पोस्ट ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।
प्रतिक्रिया