ताप्लेजुङ : ताप्लेजुङको फुङलिङ बजारमा ‘नो केवलकार’ अभियानले स्थिति तनावग्रस्त बनाएको छ। आन्दोलनकारीहरूले मलास जुलुससहित प्रदर्शन गर्दै चर्का नाराबाजी गरेका बेला सुरक्षाकर्मी र प्रदर्शनकारीबीच झडप भएको हो।

Advertisement 1

शनिबार वीरेन्द्रचोकमा पुगेका आन्दोलनकारीहरूलाई नियन्त्रणमा लिन खोज्दा प्रहरीले बलिरहेको राँको नियन्त्रणमा लिन खोजेपछि स्थिति थप जटिल बनेको थियो। प्रमुख जिल्ला अधिकारी नेत्रप्रसाद शर्माका अनुसार, आन्दोलनकारीहरूले प्रहरीमाथि बलिरहेको राँको र लाठी प्रहार गर्नुका साथै सर्वसाधारणका घरहरूमा समेत राँको फ्याँक्ने जस्तो अमानवीय गतिविधि गरेका छन्।

Advertisement 2

झडपका क्रममा केही व्यक्तिहरू घाइते भएका छन्। यद्यपि, ठूलो आगलागीको सम्भावना रहे पनि स्थानीय प्रशासनले समयमै नियन्त्रण लिएर ठूलो क्षति हुनबाट जोगाएको जनाएको छ।

Advertisement 3

जिल्ला प्रहरी कार्यालय ताप्लेजुङका प्रमुख डिएसपी रवि रावलले घाइतेको यकिन विवरण आउन बाँकी रहेको बताएका छन्।

हाल सुरक्षा निकायहरूले अवस्था नियन्त्रणमा लिएको र बजारमा स्थिति सामान्य रहेको प्रहरी प्रशासनले जानकारी दिएको छ।