नेपालगन्ज : नेपालगन्जमा जारी ‘प्रादेशिक महोत्सव २०८१’ मा पत्रकारहरूले रिपोर्टिङका क्रममा भोग्नु परेका असहजता र दुव्र्यवहारप्रति नेपाल पत्रकार महासंघ बाँके शाखाले गम्भीर ध्यानाकर्षण जनाएको छ।

Advertisement 1

महासंघले माघ १२ गते शनिबार मञ्च परिसरमा फोटो खिच्ने र भिडियो छायांकन गरिरहेका न्यूजबाँके अनलाइन मिडियाका पत्रकार टार्जन ओलीमाथि भएको दुव्र्यवहारप्रति खेद व्यक्त गरेको छ। महासंघका अनुसार ओलीले आफ्नो पत्रकार परिचयपत्र देखाउँदा पनि आयोजक र सुरक्षाकर्मीले दुर्व्यवहार गरेका थिए।

Advertisement 2

पत्रकार महासंघ बाँके शाखाले यस्ता घटनाहरू दोहोरिन नदिन महोत्सव आयोजकलाई सचेत गराउँदै, पत्रकारहरूको कामका लागि सहज र प्रेसमैत्री वातावरण निर्माण गर्न आग्रह गरेको छ। साथै, महासंघले महोत्सवस्थलभित्र प्रवेश गर्दा पत्रकारहरूले सामना गर्नुपरेको अनावश्यक उल्झन र असहजताप्रति गम्भीर आपत्ति प्रकट गरेको छ।

Advertisement 3

महासंघले पत्रकारहरूले रिपोर्टिङका क्रममा पत्रकार आचारसंहिताको पालना गर्दै मर्यादित पत्रकारिता गर्न अनुरोध गरेको छ। यस्तै, पत्रकारको स्वतन्त्रता र सम्मान सुनिश्चित गर्न सम्बन्धित निकायले चाँडो कदम चाल्नुपर्नेमा जोड दिएको छ।

महासंघले प्रेस स्वतन्त्रतामाथिको आक्रमण रोक्न आवश्यक व्यवस्था गर्न र भविष्यमा यस्ता घटना हुन नदिन ठोस उपाय अपनाउन माग

गरेको छ।