नेपालगञ्ज । पश्चिम नेपालको अग्रणी तथा अत्याधुनिक मल्टिप्लेक्स सिनेमाघर सिने रोयल (Cine Royal) ले आफ्नो सफल यात्राको तीन वर्ष पूरा गर्दै तेस्रो वार्षिकोत्सव मनाएको छ।

Advertisement 1

करिब २५ करोड रुपैयाँको लगानीमा निर्माण भएको सिने रोयल २०२३ जुलाई २७ (साउन ११, २०८०) देखि औपचारिक रूपमा सञ्चालनमा आएको हो। छोटो समयमै यसले नेपालगञ्ज मात्र नभई बाँके, बर्दिया, सुर्खेत, दाङ तथा भारतका सीमावर्ती क्षेत्रका दर्शकमाझ पनि उत्कृष्ट सेवा र आधुनिक चलचित्र अनुभवका कारण विशेष पहिचान बनाउन सफल भएको छ।

Advertisement 2

प्रबन्ध निर्देशक डा. राहुल थापाको नेतृत्वमा सञ्चालन हुँदै आएको सिने रोयलले स्थापनाको पहिलो वर्षमै ‘मोफसलको सर्वश्रेष्ठ सिनेमा हल’ अवार्ड प्राप्त गर्दै आफ्नो उत्कृष्टता प्रमाणित गरेको थियो। उक्त उपलब्धिले यसलाई देशकै उत्कृष्ट मल्टिप्लेक्स सिनेमाघरमध्ये एकका रूपमा स्थापित गर्न महत्वपूर्ण भूमिका खेलेको छ।

Advertisement 3

सिने रोयलमा तीनवटा आधुनिक स्क्रिन, 4K लेजर प्रोजेक्सन, Dolby Atmos साउन्ड सिस्टम, 3D प्रदर्शन, आरामदायी सिट, आधुनिक क्याफेटेरिया तथा गुणस्तरीय ग्राहक सेवा उपलब्ध छन्। यी सुविधाका कारण चलचित्रप्रेमीहरूको पहिलो रोजाइका रूपमा सिने रोयल स्थापित हुँदै आएको छ।

सञ्चालनको तीन वर्षमा सिने रोयलले नेपाली तथा विदेशी चलचित्रहरूको सफल प्रदर्शन गर्नुका साथै कलाकारहरूसँगको विशेष भेटघाट, प्रिमियर शो तथा विभिन्न मनोरञ्जनात्मक कार्यक्रम आयोजना गर्दै नेपालगञ्जको चलचित्र संस्कृतिलाई नयाँ उचाइमा पुर्‍याउन महत्वपूर्ण योगदान दिएको छ।

तेस्रो वार्षिकोत्सवका अवसरमा सिने रोयलले सामाजिक सञ्जालमार्फत आफ्ना दर्शकप्रति आभार व्यक्त गर्दै विगत तीन वर्षदेखि दिएको विश्वास, माया र निरन्तर साथका लागि धन्यवाद ज्ञापन गरेको छ। साथै आगामी दिनमा पनि अझ उत्कृष्ट चलचित्र अनुभव र अविस्मरणीय मनोरञ्जन प्रदान गर्ने प्रतिबद्धता जनाएको छ।

यस अवसरमा चलचित्रकर्मी, शुभेच्छुक तथा विभिन्न क्षेत्रका व्यक्तित्वहरूले सिने रोयल परिवारलाई शुभकामना व्यक्त गर्दै आगामी दिनमा अझ बढी सफलता हासिल गर्न शुभेच्छा दिएका छन्।

सिने रोयल परिवारलाई सफल तेस्रो वार्षिकोत्सवको हार्दिक बधाई तथा शुभकामना। छोटो समयमै मोफसलको चलचित्र क्षेत्रमा नयाँ मापदण्ड स्थापित गर्दै दर्शकलाई अन्तर्राष्ट्रिय स्तरको सिनेमाघर अनुभव प्रदान गरेकोमा सम्पूर्ण सिने रोयल टिम, प्रबन्ध निर्देशक डा. राहुल थापा तथा सम्पूर्ण कर्मचारी परिवारलाई हार्दिक सम्मान व्यक्त गर्दछौँ। आगामी दिनहरूमा पनि नेपाली चलचित्र उद्योगको प्रवर्द्धन गर्दै अझ उन्नति, प्रगति र सफलताको शिखर चुम्न सकोस् भन्ने नेपालगञ्ज पोस्टको शुभकामना।