जुम्ला, माघ ११ :  जुम्लाको तातोपानी गाउँपालिका–१ निवासी ३० वर्षीया सुत्केरी मुगा शाही र उहाँको नवजात शिशुको मृत्यु भएको छ।

Advertisement 1

कर्णाली स्वास्थ्य विज्ञान प्रतिष्ठान शिक्षण अस्पतालका अनुसार सुत्केरी मुगा शाहीलाई घरमै बेहोस भएपछि अस्पताल लगिएको थियो। उहाँलाई माघ ३ गते बिहान ११:२४ बजे अस्पताल पुर्‍याइएपछि भेन्टिलेटरमा राखिएको थियो। तर, उपचारकै क्रममा बिहीबार बिहान ८ बजे उहाँको मृत्यु भएको अस्पतालका स्त्रीरोग विशेषज्ञ डा. कविता शाहले नेपालगञ्ज पोष्ट लाई बताउनुभयो।

Advertisement 2

मृतक शाहीले जन्म दिएको नवजात शिशुको भने माघ ३ गते अस्पताल पुर्याउँदा नै मृत्यु भइसकेको थियो। परिवारका अनुसार सुत्केरी व्यथा माघ २ गते राति नै लागेको भए पनि समयमा अस्पताल नलगी धामी झाक्रीको भर पर्नाले उपचार ढिला भएको थियो।

Advertisement 3

यस घटनाले ग्रामीण क्षेत्रमा समयमै स्वास्थ्य सेवा उपलब्ध गराउन नसक्दा हुने गम्भीर परिणामप्रति सचेत गराएको छ। स्थानीय प्रशासनले यस्तो दुखद घटनालाई न्यून गर्न स्वास्थ्य सचेतनाको आवश्यकता रहेको बताएको छ।