दाङ : तुलसीपुरमा बसले ठक्कर दिँदा एक महिलाको मृत्यु भएको छ । बुधबार दिउँसो पौने २ बजेको समयमा तुलसीपुर ५ बसपार्क स्थित माछापुच्छ्रे टोलको गेट नजिकै बसले ति महिलालाई ठक्कर दिएको थियो ।

Advertisement 1

बिरेन्द्र चोकबाट बसपार्क तर्फ जाँदै गरेको लु. प्र. ०२००१ ख ४४ नं. को बसले ठक्कर दिँदा तुलसीपुर ५ सम्झना टोल निवासी ३९ वर्षीया तिर्सना घर्तीको मृत्यु भएको हो । बसको ठक्करबाट टाउको र मुखमा चोट लागेको घर्तीको राप्ती प्रादेशिक अस्पताल तुलसीपुरमा उपचारको क्रममा २ बजेर २० मिनेटमा मृत्यु भएको इलाका प्रहरी कार्यालय तुलसीपुरका प्रहरी निरिक्षक बिनोदराज खत्रीले नेपालगञ्ज पोष्ट लाई जानकारी दिनुभयो ।

Advertisement 2

उनको शवलाई बुवा प्रेम बहादुर थापा र छोरा नबिन घर्तीले सनाखत गरेका हुन् । बस र चालक तुलसीपुर ६ निवासी ४२ वर्षीय खिमराज वलीलाई प्रहरीले नियन्त्रणमा लिएको छ ।