कालीगण्डकी करिडोर सडक अन्तर्गत कालीगण्डकी गाउँपालिका–१ काे गरगरेमा सडक माथिबाट ठूलाठूला चट्टानसहितको पहिरो खसेपछि आज दिउँसाेदेखि सडक पूर्णरूपमा अवरुद्ध भएको जिल्ला प्रहरी कार्यालय गुल्मीले जनाएको छ ।
Advertisement 1
त्यसैगरी गुल्मीकाे मुख्य सडक अन्तर्गत रिडी–वामीटक्सार सडक पनि अवरुद्ध भएकाे छ । याे सडक खण्ड अन्तर्गत सत्यवती गाउँपालिका–६ काे डहरे खोलामा पानीको बहाव बढेपछि केहीबेर अघिदेखि सडक पूर्णरूपमा अवरुद्ध भएकाे जिल्ला प्रहरी कार्यालय गुल्मीका सूचना अधिकरी गंगाबहादुर सारुले जानकारी दिनुभयाे ।
डहरे खोलामा लेदोसहितको बाढी आएपछि सडक अवरुद्ध हुँदा त्यस क्षेत्रबाट रिडी हुँदै बुटवल जाने र रिडी हुँदै बाग्लुङको बुर्तिबाङ्सम्म आवतजावत गर्ने गाडीहरू बीच बाटाेमै राेकिएका छन् ।
Advertisement 2
यसैबीच जिल्ला प्रशासन कार्यालय गुल्मीले वर्षाको समयमा खोला तटीय क्षेत्रका बासिन्दाहरूलाई सर्तकता अपनाउँदै सुरक्षित ठाउँमा बसोबास गर्न आग्रह गरेको छ ।
यो खबर पढेर तपाईलाई कस्तो महसुस भयो ?
like
love
haha
wow
sad
angry
प्रतिक्रिया
सम्वन्धित
छुटाउनुभयो कि ?
हाम्रो बारेमा
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । नेपालगन्ज पोस्ट ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।