नेपालगन्ज, बाँके : मनसुनको समयमा बाढीको उच्च जोखिम रहने बाँके जिल्लाका दुई प्रमुख गाउँपालिकाहरू राप्ती सोनारी र नरैनापुर मा विपद् पूर्वसूचना प्रणाली अन्तर्गत साइरन जडान गरिएको छ ।यस प्रविधिले अब प्राकृतिक विपद्को खतराबारे सोधीनै बिनाको सूचना दिन थालिएको छ, जसले नागरिकको जीवन र सम्पत्तिको सुरक्षामा ठूलो भूमिका खेल्न सक्छ ।

Advertisement 1

नरैनापुर गाउँपालिका अन्तर्गत वडा नं. ५ (मटेहिया, गङ्गापुर) वडा नं. ६ (भगवानपुर, सोनवर्षा) र राप्ती सोनारी गाउँपालिका अन्तर्गत वडा नं. २ (दर्शनापुर, टिकुली) वडा नं. ३ र ७ मा अन्य ६ स्थानमा साइरनहरु जडान गरिएको छ।

Advertisement 2

साइरनहरूको प्राविधिक व्यवस्थापन सम्बन्धित पालिकाकै जिम्मामा रहेको छ ।नरैनापुरका विपद् शाखा प्रमुख भरत महतोका अनुसार, “गएको वर्ष सतह नाघेन, तर विपद् आए साइरनमार्फत तुरुन्त सूचना दिन सकिन्छ।”

Advertisement 3

राप्ती सोनारीका सूचना अधिकारी जीवन न्यौपानेले भने, “तीन दिनको भारी वर्षापछि नदी सतह बढेपछि हामीले तुरुन्त साइरन बजाएर जनतालाई सतर्क गरायौँ।” उनका अनुसार गाउँपालिकाको वेबसाइटमार्फत नै साइरन नियन्त्रित गर्न सकिने छ। स्थानीय भाषामा सन्देश पठाउने व्यवस्था पनि रहेको छ ।

नदीले तोकिएको सतह नाघेपछि स्वतः बज्ने, बाढी, आगलागी, लु जस्ता विपद्को तुरुन्त सन्देश प्रसारण गर्ने ,स्थानीय भाषामा सन्देश दिन सकिने भएकाले साइरन जडान गरिएको हो। एक साइरनको लागत: झण्डै ७ लाख रुपैयाँ पर्दछ।

सामाजिक विकास मञ्च बाँकेले राष्ट्रिय विपद् जोखिम न्यूनीकरण तथा व्यवस्थापन प्राधिकरणसँगको सहकार्यमा सुरुवात गर्‍यो। सोसल डेभलपमेन्ट फोरममार्फत थप स्थानहरूमा स्थापना गरिएको हो । परियोजना अधिकारी सहजराम यादव भन्छन्, “हामीले समुदायलाई समयमै सूचना दिनका लागि प्रविधिलाई आधार मानेका छौँ।”

🛑 अब जोखिममा ढुक्क भएर बस्न पाइँदैन, साइरन बजेपछि सतर्कता अपनाऔँ!