असार १५ ,नेपालगञ्ज : नेपाल सरकारले सनिवार साँझदेखि असार १६ गतेसम्म विभिन्न स्थानहरूमा भारी वर्षा हुन सक्ने भन्दै उच्च सतर्कता अपनाउन आग्रह गरेको छ।

Advertisement 1

राष्ट्रिय विपद् जोखिम न्यूनीकरण तथा व्यवस्थापन प्राधिकरणले जल तथा मौसम विज्ञान विभागको पूर्वानुमानलाई उद्धृत गर्दै लुम्बिनी, कर्णाली र सुदूरपश्चिम प्रदेशका केही जिल्लाहरूमा भारी वर्षाको सम्भावना रहेकाले सतर्कता अपनाउन अनुरोध गरेको हो।

Advertisement 2

भारी वर्षाको सम्भावना रहेका प्रमुख स्थानहरू:

Advertisement 3

• लुम्बिनी प्रदेश: बाँके, बर्दिया र दाङ
• कर्णाली प्रदेश: सुर्खेत, दैलेख र सल्यान
• सुदूरपश्चिम प्रदेश: बैतडी, डडेल्धुरा, डोटी, अछाम, कैलाली र कञ्चनपुर
• अन्य प्रदेश: पहाडी भू-भागका एक-दुई स्थान

भारी वर्षाका कारण बाढी, पहिरो, डुबान तथा नदीको बहावमा अत्यधिक वृद्धि हुने सम्भावना रहेको भन्दै नदी तटवर्ती क्षेत्र, खोला किनार, डाँडाकाँडा, र पहिरो सम्भावित स्थानहरूमा सतर्कता अपनाउन अनुरोध गरिएको छ।

प्राधिकरणले नागरिकलाई यस्ता सावधानी अपनाउन सुझाव दिएको छ:

• अत्यावश्यक नपरेसम्म यात्रा नगर्नुहोस्।
• मौसम सम्बन्धी सूचना नियमित रूपमा बुझ्नुहोस्।
• बाढी संभावित क्षेत्रबाट टाढा रहनुहोस्।
• नदी पार गर्दा सतर्कता अपनाउनुहोस्, खोला तर्ने प्रयास नगर्नुहोस्।
• स्थानीय विपद् व्यवस्थापन समितिहरू तयारी अवस्थामा रहनुहोस्।

साथै, सुरक्षा निकाय, स्थानीय तह, स्वयंसेवक र नागरिक समाजका संस्थाहरुलाई तयारी अवस्थामा रहन र जोखिम न्युनिकरणमा सक्रिय रहन पनि निर्देशन दिइएको छ।