सन्देश भुसाल, नेपालगञ्ज । बाँके जिल्लाको कोहलपुर नगरपालिका–३ मा लागू औषध ब्राउन सुगरसहित एक युवक पक्राउ परेका छन्। पक्राउ पर्नेमा सोही स्थानका २७ वर्षीय नारायण बि.क. रहेका छन्। उनले चलाउँदै आएको भे १० प ४७१६ नम्बरको मोटरसाइकल तथा उनले लगाएको हेल्मेट भित्र लुकाई छिपाई ल्याइएको खैरो धुलो पदार्थ (शंका लाग्दो ब्राउन सुगर) प्रहरीले बरामद गरेको छ। बरामद गरिएको उक्त पदार्थको शुद्ध तौल ७१० मिलिग्राम रहेको जनाइएको छ। पछिल्लो समय नेपालगञ्ज–रुपैडिया सिमाना खुला रहेको कारण लागुऔषध ओसारपसार तथा अवैध तस्करीमा वृद्धि भइरहेको छ। सशस्त्र प्रहरी, नेपाल प्रहरी लगायतका सुरक्षा निकायहरू सक्रिय भए पनि सीमावर्ती क्षेत्रमा लागुऔषधको व्यापार नियन्त्रणमा चुनौतीपूर्ण देखिएको छ। पक्राउ परेका युवक र बरामद सामग्रीसहित थप अनुसन्धानको लागि आवश्यक कारवाही अघि बढाइएको प्रहरीले जनाएको छ। Post navigation हेटौंडामा जमिनमुनि हराएको गाडीका पार्टपुर्जा १९ दिनपछि फेला एएनआईको कपिराइट दुरुपयोगः युट्युबरहरू ‘फिरौती असुली’ विरुद्ध एकजुट
