नेपालगञ्ज, बैशाख ७ – नेपालगन्ज उपमहानगरपालिका–११ का २८ वर्षीय चानबाबु खाँनको करेन्ट लागेर मृत्यु भएको छ। शनिबार बेलुकी अमिन दर्जीको घरमा विद्युत् मिटर जडान गर्ने क्रममा उनी गम्भीर घाइते भएका थिए। उनी नेपालगन्ज उपमहानगरपालिका–१ मा रहेको अमिन दर्जीको घरमा सवा मिटर जडान गरिरहेका बेला करेन्ट लागेको थियो। गम्भीर घाइते अवस्थामा उनलाई उपचारका लागि तत्काल संजीवनी कलेज अफ मेडिकल साइन्स प्रालि, नेपालगन्ज लगिएको थियो। तर, उपचारको क्रममा उनको मृत्यु भएको जिल्ला प्रहरी कार्यालय बाँकेले जनाएको छ। घटनाबारे आवश्यक अनुसन्धान भइरहेको प्रहरीले जानकारी दिएको छ। Post navigation दाङ देउखुरीमा बस दुर्घटना हुँदा दुई जनाको मृत्यु प्रहरी नियन्त्रणमा रहेका राप्रपा अध्यक्ष लिङदेनसहितका नेता रिहा
