काठमाडौँ :आज बसेको शहरी विकास मन्त्रालयमा भएको विज्ञसँगको छलफलमा कार्यवाहक प्रधानमन्त्री प्रकाशमान सिंहले वायु प्रदूषण कम गर्न सबैको सक्रिय भूमिका आवश्यक रहेको बताएका छन्। सिंहले वायु प्रदूषणका कारण जनजीवनमा गम्भीर असर परेकोमा चिन्ता व्यक्त गर्दै यसलाई कम गर्न सरकार छिट्टै कदम चाल्ने बताए। उहाँले प्रदूषणको मुख्य कारण डढेलो भएको र यस समस्यामा समाधान ल्याउन सरकार काम गर्दै रहेको पनि जानकारी दिनुभयो। वन मन्त्रालयका सचिव दीपक खरालले प्रदूषणको चाप कम गर्न हप्तामा दुई दिन बिदा दिने र सवारी साधनलाई जोरबिजोर गरेर चलाउने जस्ता उपायहरू प्रस्तुत गर्नुभयो। विज्ञहरूले पनि सवारी साधनलाई प्रदूषणको प्रमुख कारण मान्दै, केहिदिन चाप कम गर्ने सुझाव दिएका छन्। वातावरण विज्ञ भूषण तुलाधरले वायु गुणस्तरको सुधारका लागि प्रभावकारी योजना बनाउनु पर्नेमा जोड दिए। डढेलो विज्ञ शुन्दर शर्माले भने, वातावरण संरक्षणका लागि राष्ट्रिय रणनीति बनाउनु आवश्यक भएको बताए। निर्माण व्यवसायी महासंघका अध्यक्ष रवि सिंहले भने, “सरकारले निर्माण व्यवसायीलाई मात्र दोष दिने काम गर्न मिल्दैन,” भन्दै समस्या समाधानका लागि सबैलाई मिलेर काम गर्नुपर्ने बताएका छन्। राष्ट्रिय यातायात व्यवसायी महासंघले भने निजी सवारी साधनलाई बढी प्रदूषणको कारण ठहराउँदै, यसलाई कम गर्न सार्वजनिक सवारी साधनलाई प्राथमिकता दिनुपर्ने कुरा उठाए। छलफलमा वनमन्त्री ऐनबहादुर शाही, वनराज्यमन्त्री रुपा विकलगायतका अन्य अधिकारीहरू पनि उपस्थित थिए। Post navigation कोहलपुरमा हात्तीको आक्रमणबाट माउतेको मृत्यु नेपालगन्ज उपमहानगरपालिका भर आज सार्वजनिक बिदा
