ललितपुरको क्याफेमा विवाद हुँदा किशोरको हत्या, तीनजना पक्राउ

ललितपुर – ललितपुरको च्यासलस्थित ‘द टाउन क्याफे’ मा बिल तिर्ने विषयमा विवाद हुँदा एक किशोरको हत्या भएको छ। सोमबार राति भएको घटनामा इटहरीका २३ वर्षीय नयन गुरुङको मृत्यु भएको हो।

घटनामा संलग्न रहेको आरोपमा क्याफेमा काम गर्ने तीनजनालाई प्रहरीले पक्राउ गरेको छ। पक्राउ पर्नेमा च्यासल बस्ने २६ वर्षीय हेमराज भट्ट, काभ्रेका २२ वर्षीय जनकबहादुर तामाङ र दार्चुलाका ४१ वर्षीय पदमलाल भट्ट रहेका छन्।

जिल्ला प्रहरी परिसर ललितपुरका एसपी नवरत्न पौडेलका अनुसार, विवादको सुरुवात क्याफेको बिल तिर्ने विषयलाई लिएर भएको थियो। विवादपछि क्याफेका ती कर्मचारीहरूले गुरुङमाथि कुटपिट र चक्कु प्रहार गरेका थिए।

प्रहरीले घटनामा संलग्न व्यक्तिहरूलाई नियन्त्रणमा लिएर थप अनुसन्धान गरिरहेको जनाएको छ।