टिकटकर एलिजे र आयुषको २२ लाख र १३ लाख फलोअर्स भएको टिकटक आइडी बन्द

नेपालगञ्ज । केही समयअघि चर्चित टिकटक प्रयोगकर्ता एलिजेले TikTok Live मा केही विवादास्पद अभिव्यक्ति दिएपछि उनलाई चौतर्फी आलोचनाको सामना गर्नुपरेको छ। उनले नेपाली समुदायप्रति अपमानजनक शब्द प्रयोग गर्दै, “नेपालीको चुलो नै हाम्रो भिडियो हालेर बल्ने” जस्ता आपत्तिजनक भनाइ राखेका थिए।

यो घटनापछि सामाजिक सञ्जालमा व्यापक विरोध भएको थियो। दर्शकहरूले एलिजे र आयुषको गतिविधिलाई गैरजिम्मेवार र नेपाली समुदायको अपमान भन्दै उनीहरूको टिकटक आइडी बन्द गर्न माग गरेका थिए। फलस्वरूप, एलिजेको २२ लाख र आयुषको १३ लाख फलोअर्स भएको टिकटक आइडीहरू TikTok ले बन्द गरेको छ।

सामाजिक सञ्जालमा यस्ता गतिविधिहरूले सकारात्मकभन्दा नकारात्मक प्रभाव पार्ने भन्दै धेरैले जिम्मेवार भएर सामग्री प्रस्तुत गर्न आग्रह गरेकाछन् ।