इलाम — कर्तव्य ज्यान मुद्दाका एक फरार अभियुक्तलाई इलाम प्रहरीले ४५ वर्षपछि पक्राउ गरेको छ। पक्राउ पर्नेमा इलामको सन्दकपुर गाउँपालिका–५ बस्ने ७६ वर्षीय तील बहादुर गुरुङ रहेका छन्। जिल्ला अदालत इलामले २०३८ साल जेठ १२ गते गुरुङलाई १० वर्ष कैद सजायको फैसला गरेको थियो। तर, उनी फैसला जारी भएपछि फरार रहेका थिए। इलाम जिल्ला प्रहरी कार्यालयबाट खटिएको विशेष टोलीले गुरुङलाई सन्दकपुर गाउँपालिका–५ मा लुकिछिपि बसिरहेको अवस्थामा पक्राउ गरेको हो। जिल्ला प्रहरी कार्यालय इलामका प्रवक्ता तथा सूचना अधिकारी प्रहरी निरीक्षक सञ्जिव बोगटीका अनुसार पक्राउ परेका गुरुङलाई जिल्ला कारागार इलाम पठाइएको छ। प्रहरीले लामो समयदेखि फरार अभियुक्तहरूको खोजी तथा पक्राउ अभियान सञ्चालन गरिरहेको जनाएको छ। Post navigation आज देशभर वर्षाको सम्भावना, केही ठाउँमा भारी वर्षा हुन सक्ने मौसम विभागको पूर्वानुमान 📢 बाढीको चेतावनी अब साइरनमार्फत – बाँकेका दुई गाउँपालिकामा प्रभावकारी पूर्वसूचना प्रणाली
