नेपालगन्ज, फागुन १ : सुरक्षित यौन सम्पर्कको प्रवर्द्धन तथा HIV/AIDS सम्बन्धी जनचेतना फैलाउने उद्देश्यसहित नेपालगन्जको बसपार्क क्षेत्रमा आज अन्तर्राष्ट्रिय कण्डम दिवस मनाइएको छ।
स्वास्थ्य कार्यालय बाँकेको आयोजना, AHF नेपालको सहयोग तथा समाज सेवा संस्था नेपाल कोहलपुरको सहकार्यमा आयोजित कार्यक्रममा कण्डम प्रदर्शन, निःशुल्क वितरण तथा जनचेतनामूलक सडक नाटक “अठोट” प्रस्तुत गरिएको थियो।
कार्यक्रममा सर्वसाधारण, सवारी चालक लगायतलाई कण्डमको फाइदा र आवश्यकताबारे जानकारी दिइएको थियो। आयोजक संस्थाहरूले सुरक्षित यौन सम्पर्कलाई प्रोत्साहन गर्दै HIV/AIDS जस्ता यौनजन्य रोगहरूबाट बच्न कण्डमको प्रयोग अनिवार्य गर्नुपर्ने सन्देश दिएका छन्।
