बाँके, सोमबार – हालै बाँके जिल्लाको प्रहरी प्रमुखको रूपमा नियुक्त भएका प्रहरी वरिष्ठ उपरीक्षक (एसपी) राम प्रसाद घर्तीले सोमबार एक पत्रकार भेटघाट तथा अन्तरक्रिया कार्यक्रममा आफ्नो कार्यदिशा सार्वजनिक गरेका छन्।
Advertisement 1
जिल्ला प्रहरी कार्यालय बाँकेमा आयोजित कार्यक्रममा एसपी घर्तीले कानूनको शासन बलियो बनाउने, लागुऔषध नियन्त्रण गर्ने तथा आपराधिक गतिविधिमाथि कडा निगरानी राख्ने प्रतिबद्धता व्यक्त गरे। साथै, प्रहरी सेवामा पारदर्शिता, जनमैत्रीता र सञ्चारकर्मीहरूसँग सहकार्यलाई प्राथमिकतामा राख्ने स्पष्ट संकेत दिए।
Advertisement 2
“म खुला ढोका नीतिमा विश्वास गर्छु। सञ्चारकर्मीहरू हाम्रो ऐना हुन्। तपाईंहरूको सुझाव, प्रश्न र आलोचना हाम्रो सुधारको आधार हो,” घर्तीले बताए।
Advertisement 3
कार्यक्रममा नेपाल पत्रकार महासंघ बाँके शाखाका पदाधिकारीहरू, विभिन्न सञ्चारमाध्यमका सम्पादक, पत्रकार तथा वरिष्ठ प्रहरी अधिकृतहरूको उपस्थिति थियो। सहभागीहरूले प्रेस र प्रहरीबीचको सहकार्य अझ बलियो बनाउनु पर्नेमा जोड दिएका थिए।
सौहार्दपूर्ण वातावरणमा सम्पन्न उक्त कार्यक्रममा एसपी घर्तीको स्पष्ट कार्ययोजना र संवादमुखी शैलीले बाँके जिल्लामा जनसुरक्षा र सुशासनप्रति नयाँ आशा जागृत गराएको सहभागीहरूको धारणा थियो।
यो खबर पढेर तपाईलाई कस्तो महसुस भयो ?
like
love
haha
wow
sad
angry
प्रतिक्रिया
सम्वन्धित
हाम्रो बारेमा
नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । नेपालगन्ज पोस्ट ले मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष र भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोस श्रोत गोप्य राखिने छ ।