बाँके, नेपालगञ्ज । आज बाँके जिल्लाको प्रमुख धार्मिक स्थल श्री बागेश्वरी मन्दिरमा नेपाली सेना, नेपाल प्रहरी र सशस्त्र प्रहरीको संयुक्त टोलीले विशेष समारोहबीच फूलपाती भित्र्याएका छन्। यस अवसरमा टोलीले बिहानै मन्दिरमा पूजा अर्चना गरी फूलपाती चढाएका थिए।

बागेश्वरी मन्दिर हिन्दू धर्मावलम्बीहरुका लागि अत्यन्तै महत्वपूर्ण शक्तिपीठ मानिन्छ। हरेक वर्ष दसैंको सातौं दिन अर्थात् फूलपातीको दिन यहाँ विशेष पूजा गर्ने परम्परा छ। स्थानीयहरु बिहान सबेरैदेखि मन्दिरमा फूलपाती चढाउनको लागि आउने गर्दछन्। घरघरबाट फूलपाती संकलन गरी मन्दिरमा चढाउने र मन्दिरबाट टिका तथा प्रसाद लिएर घरमा भित्र्याउने चलन वर्षौँदेखि कायम छ।

यस वर्ष पनि परम्परागत रुपमा हजारौं भक्तजनहरु मन्दिरमा उपस्थित भई फूलपाती चढाएका छन्। सुरक्षा निकायका प्रतिनिधिहरुले समेत सहभागी भई मन्दिरको वातावरण अझै धार्मिक र गरिमामय बनेको थियो।

Advertisement 1

तस्बिरहरु: