सन्देश भुसाल, नेपालगञ्ज : बाँके निर्वाचन क्षेत्र नम्बर २ बाट निर्वाचित प्रतिनिधिसभा सदस्य धवलशम्सेर राणाको रिहाइको माग गर्दै उनका समर्थकहरूले नेपालगन्जमा प्रदर्शन गरेका छन्। राजा तथा हिन्दु राष्ट्र समर्थकहरूले गठन गरेको जिल्लास्तरीय आन्दोलन परिचालन समितिको अगुवाइमा प्रदर्शन गरिएको हो।

Advertisement 1

नेपालगन्जको सुर्खेतरोडमा सुरु भएको प्रदर्शन नाराबाजीसहित धम्बोझीचोकमा पुगेर कोणसभामा परिणत भएको थियो। प्रदर्शनकारीहरूले धम्बोझीचोकमा टायर बालेर केहीबेर सडक अवरुद्ध समेत गरेका थिए।

Advertisement 2

कोणसभालाई सम्बोधन गर्दै जिल्लास्तरीय आन्दोलन परिचालन समितिका संयोजक नरेन्द्र पौडेलले पक्राउ परेका नेताहरूलाई बिना शर्त रिहाइ नगरे आन्दोलन चर्काउने चेतावनी दिए। कोणसभामा नेपाल शिवसेनाका महासचिव मंगल जीएम, राजावादी नेता तेजबिक्रम शाहलगायतले पनि सम्बोधन गरेका थिए ।

Advertisement 3